கத்தார் அரசின் முன்னாள் அமிரான ஷேக் ஹமத் பின் கலீபா அல் தானியின் மறைவையொட்டி, இலங்கை தொழிலாளர் காங்கிரசின் தலைவர் செந்தில் தொண்டமான் கொழும்பிலுள்ள கத்தார் அரசின் தூதரகத்திற்குச் சென்று, இலங்கைக்கான கத்தார் தூதுவர் ஹமத் முகம்மது அல் தோசரி அவர்களைச் சந்தித்து தனது ஆழ்ந்த இரங்கலை தெரிவித்தார்.
கத்தார் அரசின் முன்னாள் அமிரும், அந்நாட்டின் நவீன வளர்ச்சிக்கும் உலகளாவிய முன்னேற்றத்திற்கும் முக்கிய பங்களிப்பை வழங்கிய தொலைநோக்குப் பார்வை கொண்ட தலைவருமான ஷேக் ஹமத் பின் கலீபா அல் தானி அவர்களின் மறைவு மிகுந்த துயரத்தை அளிப்பதாகக் செந்தில் தொண்டமான் தெரிவித்தார்.
இதேவேளை, கடந்த 2012 ஆம் ஆண்டு ஷேக் ஹமத் பின் கலீபா அல் தானி அவர்கள் இலங்கைக்கு விஜயம் மேற்கொண்ட போது, அவருடன் மேற்கொண்ட கலந்துரையாடலையும் செந்தில் தொண்டமான் நினைவூட்டினார்.
ஷேக் ஹமத் பின் கலீபா அல் தானி அவர்களின் மறைவால் துயருறும் கத்தார் அரச குடும்பத்தினருக்கும், அந்நாட்டு மக்களுக்கும் தனது ஆழ்ந்த இரங்கலையும் அனுதாபங்களையும் தெரிவித்துக்கொண்டதுடன், அன்னாரின் ஆத்மா சாந்தியடைய இறைவனை பிரார்த்திப்பதாகவும் செந்தில் தொண்டமான் தெரிவித்தார்.
