நாட்டில் இதுவரை பதிவான டெங்கு மரணங்களின் எண்ணிக்கை 69 ஆக அதிகரித்துள்ளது.
தேசிய டெங்கு கட்டுப்பாட்டுப் பிரிவு வெளியிட்ட சமீபத்திய தரவுகளின்படி, இந்த ஆண்டு இதுவரை மொத்தம் 92,854 டெங்கு நோயாளிகள் அடையாளம் காணப்பட்டுள்ளனர்.
பதிவான மொத்த டெங்கு நோயாளர்களின் , 52.95%, அதாவது 49,163 நோயாளிகள், மேற்கு மாகாணத்தைச் சேர்ந்தவர்கள்.
மாவட்ட அளவில், கம்பஹா மாவட்டம் மிகவும் பாதிக்கப்பட்டுள்ளது, அங்கு 19,778 நோயாளிகள் (21.30%) உள்ளனர்.
கொழும்பு மாவட்டத்திலிருந்து 18,433 நோயாளிகளும் (19.85%), கண்டி மாவட்டத்திலிருந்து 6,695 நோயாளிகளும் (7.21%) அடையாளம் காணப்பட்டுள்ளனர்.
ஜூலை மாதத்தில் அதிகபட்சமாக 29,964 நோயாளிகள் பதிவாகியுள்ளனர்.
இதற்கிடையில், ஆகஸ்ட் மாதத்தின் கடந்த சில நாட்களில் மட்டும் 7516 நோயாளிகள் அடையாளம் காணப்பட்டுள்ளனர்.
இருப்பினும், சுகாதார அதிகாரிகளால் மேலும் 96 சுகாதார மருத்துவ அதிகாரி பகுதிகள் டெங்கு அதிக அபாய மண்டலங்களாக அறிவிக்கப்பட்டுள்ளன.
