கொழும்பின் பல பகுதிகளில் நாளை (03) முதல் 24 மணிநேரத்திற்கு நீர் விநியோகம் நிறுத்தப்படும் என தேசிய நீர் வழங்கல் மற்றும் வடிகாலமைப்புச் சபை (NWSDB) அறிவித்துள்ளது.
அம்பத்தலை நீர் சுத்திகரிப்பு நிலையத்தில் மேற்கொள்ளப்படவுள்ள அத்தியாவசியப் பராமரிப்புப் பணிகள் காரணமாகவே இந்த நீர் வெட்டு அமுல்படுத்தப்படவுள்ளது.
நாளை இரவு 8:00 மணி முதல் மறுநாள் இரவு (04) இரவு 08.00 மணிவரை நீர் வெட்டு அமுல்படுத்தப்படவுள்ளது.
இதற்கமைய நுகேகொடை, கொஹுவலை, தெஹிவளை, கல்கிசை, ரத்மலானை, மொறட்டுவை, ராவதாவத்தை, சொய்சாபுரம், அங்குலானை, இதிபெத்த, கடுபெத்த, கல்தெமுல்ல, மோதறை, கொரளவெல்ல, எகொடவுயன மற்றும் கட்டுக்குருந்த ஆகிய பகுதிகளில் நீர் விநியோகம் தடைப்படவுள்ளது.
அத்துடன், செத்சிறிபாய, ஹிம்புடான, உடுமுல்ல வீதி, மாளிகாகொடெல்ல, வங்கிச் சந்தி வீதி, டபிள்யூ.ஏ. சில்வா மாவத்தை, ஹவ்லொக் வீதி, கல்யாணி வீதி, கொழும்பு 06, வைத்தியசாலை வீதி, ஜெயந்தி மாவத்தை மற்றும் சாந்தி மாவத்தை ஆகிய பகுதிகளுக்கும் இந்த நீர்வெட்டு அமுலில் இருக்கும் என தெரிவிக்கப்பட்டுள்ளது.
நீர் விநியோகத்தின் தரத்தை மேம்படுத்துவதற்காகவே இந்த பராமரிப்புப் பணிகள் மேற்கொள்ளப்பட்டு வருவதாக NWSDB தெரிவித்துள்ளது.
24 மணிநேர நீர் விநியோகத் தடையின் போது பாதிக்கப்பட்ட பகுதிகளில் உள்ள நுகர்வோர் நீரைச் சிக்கனமாகப் பயன்படுத்துமாறு NWSDB கேட்டுக்கொண்டுள்ளதுடன், இதனால் ஏற்படும் சிரமத்திற்கு வருத்தத்தையும் தெரிவித்துள்ளது.
