நாடாளுமன்றம் இன்று (22) முதல் எதிர்வரும் செப்டம்பர் 25 வரை கூடவுள்ளது.
22 ஆவது திருத்தச் சட்டம் குறித்த உயர் நீதிமன்றத்தின் இரகசியத் தீர்மானம் சபாநாயகரிடம் கிடைத்துள்ளதுடன், அத்தீர்மானம் இன்று நாடாளுமன்றத்தில் சமர்ப்பிக்கப்படவுள்ளது.
நீதிபதிகளின் ஓய்வுபெறும் வயதை நீட்டிக்க வகைசெய்யும் அரசியலமைப்புக்கான 22 ஆவது திருத்தச் சட்டமூலம், நீதி மற்றும் தேசிய ஒருமைப்பாட்டுத் துறை அமைச்சர் ஹர்ஷன நாணயக்காரவால் ஆகஸ்ட் 18 அன்று நாடாளுமன்றத்தில் சமர்ப்பிக்கப்பட்டது.
அது சமர்ப்பிக்கப்பட்டதைத் தொடர்ந்து, பல தரப்பினர் உயர் நீதிமன்றத்தில் அந்த சட்டமூலத்தின் அரசியலமைப்புச் செல்லுபடித்தன்மையை எதிர்த்துச் சவால் விடுத்தனர்.
இது தொடர்பாக மொத்தம் 67 மனுக்கள் தாக்கல் செய்யப்பட்டன.
பிரதம நீதிபதி பிரீத்தி பத்மன் சுரசேன மற்றும் நீதிபதிகள் அச்சலா வெங்காப்புலி, அர்ஜுனா ஒபயசேகர, சம்பத் அபயகூன், கிஹான் குலதுங்க ஆகியோர் அடங்கிய உயர் நீதிமன்றத்தின் ஐந்து பேர் கொண்ட அமர்வின் முன் இந்த மனுக்கள் விசாரணைக்கு எடுத்துக்கொள்ளப்பட்டன.
மனுக்கள் மீதான விசாரணை செப்டம்பர் 2-ஆம் திகதி நிறைவடைந்தது; அதனைத் தொடர்ந்து, அந்த சட்டமூலததின் அரசியலமைப்புச் சட்ட ஏற்புடைமை குறித்த தனது முடிவை சபாநாயகருக்கு அனுப்பவுள்ளதாக உயர் நீதிமன்ற அமர்வு அறிவித்தது.
இதற்கிடையில், 22-வது அரசியலமைப்புத் திருத்தச் சட்டமூலம் மீதான நாடாளுமன்ற விவாதத்தை 2026 செப்டம்பர் 24 மற்றும் 25 ஆகிய திகதிகளில் நடத்துவதற்கு நாடாளுமன்ற அலுவல்கள் தொடர்பான குழு தீர்மானித்துள்ளது.
அதேநேரம், அரசியலமைப்பின் முன்மொழியப்பட்ட 22-வது திருத்தத்திற்கு எதிராக, ஐக்கிய மக்கள் சக்தி (SJB) கட்சி செப்டம்பர் 24 அன்று பொல்துவ சந்தியில் ஒரு போராட்டத்திற்கு ஏற்பாடு செய்துள்ளமையும் குறிப்பிடத்தக்கது.
