2026 ஆசிய விளையாட்டுப் போட்டிகளின் மகளிர் கிரிக்கெட் இறுதி ஆட்டத்தில் தங்கப் பதக்கத்தை வெல்லும் முனைப்புடன் இலங்கை மற்றும் இந்திய அணிகள் இன்று மோதவுள்ளன.
இந்தப் போட்டியானது இலங்கை நேரப்படி இன்று காலை 10.30 மணிக்கு ஜப்பானின், நிஷினில் உள்ள கோரோகி ஸ்போர்ட்ஸ் பூங்காவில் ஆரம்பமாகவுள்ளது.
காலிறுதியில் போட்டியை நடத்தும் நாடான ஜப்பானை 8 விக்கெட் வித்தியாசத்தில் வீழ்த்தி இறுதிப் போட்டிக்கு முன்னேறிய இந்தியா, பின்னர் அரையிறுதியில் பங்களாதேஷுக்கு எதிராக 114 ஓட்டங்கள் வித்தியாசத்தில் அபார வெற்றி பெற்றது.
இலங்கை அணியும் இதேபோன்ற சிறப்பான ஆட்டத்தை வெளிப்படுத்தி இறுதிப் போட்டிக்கு வந்துள்ளது.
அவர்கள் காலிறுதியில் மலேசியாவை 86 ஓட்டங்கள் வித்தியாசத்திலும், அரையிறுதியில் பாகிஸ்தானை 8 விக்கெட் வித்தியாசத்திலும் தோற்கடித்தனர்.
இந்த முடிவின் மூலம், இந்தியா மற்றும் இலங்கை அணிகள் தங்கப் பதக்கத்திற்காகவும், பாகிஸ்தான் மற்றும் பங்களாதேஷ் அணிகள் வெண்கலப் பதக்கத்திற்காகவும் மோதவுள்ளன.
செவ்வாய்க்கிழமையன்று கொரோகி ஸ்போர்ட்ஸ் பூங்காவில் (Korogi Sports Park) நடைபெறவுள்ள மகளிர் கிரிக்கெட் இறுதிப் போட்டியில், நடப்புச் சாம்பியனான இந்தியா மற்றும் அண்மையில் ஐக்கிய அரபு எதிரேட்ஸில் நடைபெற்ற 2026 மகளிர் ஆசியக் கிண்ண இறுதிப் போட்டியிலும் இலங்கை மற்றும் இந்தியா அணிகள் மோதின.
அதில் இந்தியா 72 ஓட்டங்கள் வித்தியாசத்தில் வெற்றி பெற்றது.
இந்த நிலையில் இன்றையப் போட்டியில் இலங்கை அணி இந்தியாவின் துடுப்பாட்ட வரிசைக்கு நெருக்கடி கொடுத்து பதிலடி கொடுக்க முயலும்.
இலங்கை அணியின் வெற்றி வாய்ப்பில் சமரி அதபத்து (முக்கியப் பங்காற்றுவார் என்று எதிர்பார்க்கப்படுகிறது.
மறுபுறம், இந்தியா ஸ்மிருதி மந்தனா, ஷபாலி வர்மா, ஹர்மன்ப்ரீத் கௌர் மற்றும் ரிச்சா கோஷ் போன்ற வீராங்கனைகளை அதிகம் நம்பியுள்ளது.
தங்கப் பதக்கத்திற்காக நன்கு அறிமுகமான இரு அணிகள் மீண்டும் மோதுவதால், இந்தப் போட்டி மிகுந்த எதிர்பார்ப்புக்குரியதாக அமையும்.
