ஐக்கிய நாடுகள் சபையின் 81 ஆவது பொதுச் சபைக் கூட்டத்தில் பங்கேற்பதற்காக, ஈரானின் வெளியுறவு அமைச்சர் அப்பாஸ் அராக்சி திங்களன்று (21) நியூயோர்க் சென்றடைந்தார்.
அமெரிக்கா-ஈரான் இடையிலான மோதல் தொடங்கியதிலிருந்து அவர் மேற்கொள்ளும் முதல் அமெரிக்கப் பயணம் இதுவாகும்.
ஐக்கிய நாடுகள் பொதுச் சபையின் பல்வேறு அமர்வுகளில் பங்கேற்று ஈரானின் நிலைப்பாடுகளை எடுத்துரைப்பதுடன், இம்மாநாட்டில் கலந்துகொள்ளும் பல்வேறு நாடுகளின் வெளியுறவு அமைச்சர்கள் மற்றும் அதிகாரிகளுடனும் ஈரான் வெளியுறவு அமைச்சர் சந்திப்புகள் மற்றும் ஆலோசனைகளை மேற்கொள்வார் என்று எதிர்பார்க்கப்படுகிறது.
இதேவேளை, ஈரான் ஜனாதிபதி மசூத் பெசெஷ்கியனும் பொதுச் சபைக் கூட்டத்திற்காகச் செவ்வாய்க்கிழமை (22) நியூயோர்க் செல்லவுள்ளார்.
