மெக்சிகோ சிட்டி கிராண்ட் பிரிக்ஸ் போட்டியில் மெர்சிடிஸ் வீரரான கிமி அன்டோனெல்லி (Kimi Antonelli) மூன்றாவது இடத்தைப் பிடித்ததன் மூலம் 2026-ஆம் ஆண்டுக்கான பட்டத்தைக் கைப்பற்றினார்.
இதன்மூலம், ஃபோர்முலா 1 உலக சாம்பியன் பட்டத்தை வென்ற மிக இளம் வயது வீரர் என்ற பெருமையை அவர் பெற்றார்.
லூயிஸ் ஹாமில்டனிடமிருந்து மேக்ஸ் வெர்ஸ்டாப்பன் இந்தப் பந்தயத்தில் வெற்றியைத் தட்டிச் சென்றார்.
ஞாயிற்றுக்கிழமை (01) நடைபெற்ற 71 சுற்றுகள் கொண்ட பந்தயத்தில், தனது முதல் F1 சாம்பியன் பட்டத்தை வெல்வதற்கு, ஹாமில்டன் மற்றும் மெர்சிடிஸ் அணியைச் சேர்ந்த ஜோர்ஜ் ரஸ்ஸல் ஆகியோர் எந்த இடத்தில் வந்தாலும் கவலையின்றி, ஒன்பதாவது இடத்தைப் பிடித்தாலே போதுமானது என்ற நிலையில் அன்டோனெல்லி களமிறங்கினார்.
20 வயதான அந்த இத்தாலிய வீரர், நான்காவது இடத்திலிருந்து பந்தயத்தைத் தொடங்கி, இறுதியில் மூன்றாவது இடத்தைப் பிடித்தார்.
ஃபோர்முலா 1 பந்தயத்தில் தனது இரண்டாவது சீசனில் மட்டுமே இருக்கும் கிமி அன்டோனெல்லி, செபாஸ்டியன் வெட்டலின் சாதனையை முறியடித்தார்.
வெட்டல் தனது நான்கு சாம்பியன்ஷிப் பட்டங்களில் முதலாவதை 2010 இல் வென்றபோது அவருக்கு வயது 23 ஆண்டுகள், 133 நாட்கள் ஆகும்.
