தமிழகம் முழுவதும் மக்கள் எழுச்சியோடு வாக்களிப்பதை பார்க்கும்போது மீண்டும் அம்மாவின் அரசு அமையும் என்ற நம்பிக்கை ஏற்பட்டுள்ளது என அமைச்சர் ஜெயக்குமார் தெரிவித்துள்ளார்.
தன்னுடைய ஜனநாயக கடமையை ஆற்றியப்பின் ஊடகங்களிடம் கருத்து தெரிவித்த அவர் இவ்வாறு குறிப்பிட்டுள்ளார்.
தொடர்ந்து தெரிவித்த அவர், “பணத்தை வைத்து ஜனநாயகத்தை மிதிக்கும் வகையில் குறித்த 5 தொகுதிகளிலும் பணப்புழக்கம் அதிகமாக இருப்பதால் அந்த ஐந்து தொகுதிகளிலும் தேர்தலை இரத்து செய்ய வேண்டும் என கோரிக்கை விடுத்தோம். இது குறித்த இறுதி முடிவை தேர்தல் ஆணையகமே எடுக்கும்.
அம்மாவின் திட்டங்கள் மக்களிடம் சென்றடைந்துள்ளன. அதற்கு அங்கீகாரம் கிடைக்கும் வகையில் அம்மாவின் அரசாங்கம் மீண்டும் அமையும் என்ற வகையில் தான் மக்களின் எழுச்சி இருக்கிறது. ஆகவே அம்மாவின் ஆட்சி அமையும் என நம்புகிறோம்” எனத் தெரிவித்துள்ளார்.
