மியன்மார் கடற்படையினரால் கைதுசெய்யப்பட்டு தடுத்து வைக்கப்பட்டிருந்த இலங்கை மீனவர்கள் 12 பேரும் விடுவிக்கப்பட்டுள்ளனர்.
குறித்த மீனவர்கள் விடுவிக்கப்பட்டுள்ளதாக மியன்மாருக்கான இலங்கை தூதுவர் தெரிவித்துள்ளார்.
கடந்த ஜனவரியில் இரண்டு படகுகளில் 12 மீனவர்கள் சிலாபத்தின் மாரவில பகுதியில் இருந்தும் திருகோணமலை பகுதிகளில் இருந்தும் ஆழ்கடல் மீன்படி நடவடிக்கைக்காக கடலுக்குச் சென்றிருந்தனர்.
இந்நிலையில், ஏற்பட்ட சீரற்ற காலநிலையால் தவறுதலாக மியன்மார் கடற்பரப்பிற்குள் நுழைந்திருந்த நிலையில் அந்நாட்டுக் கடற்படையினர் குறித்த மீனவர்களைக் கைதுசெய்திருந்தனர்.
இதையடுத்து, மியன்மார் அதிகாரிகளுடனான பேச்சுவார்த்தைகளைத் தொடர்ந்து தடுத்துவைக்கப்பட்டிருந்த 12 மீனவர்களும் விடுவிக்கப்பட்டுள்ளனர்.
