ஐ.பி.எல். ரி-20 தொடரின் 21ஆவது லீக் போட்டியில், பஞ்சாப் கிங்ஸ் அணியும் கொல்கத்தா நைட்ரைடர்ஸ் அணியும் பலப்பரீட்சை நடத்தவுள்ளன.
அஹமதாபாத் மைதானத்தில் இன்று (திங்கட்கிழமை) உள்ளூர் நேரப்படி இரவு 7.30 மணிக்கு இப்போட்டி நடைபெறவுள்ளது.
இப்போட்டியில், பஞ்சாப் அணிக்கு கே.எல். ராகுலும் கொல்கத்தா அணிக்கு ஓய்ன் மோர்கனும் தலைமை தாங்கவுள்ளனர்.
கொல்கத்தா அணியை பொறுத்தவரை சன்ரைசஸ் ஹைதராபாத் அணிக்கெதிரான போட்டியில் மாத்திரமே வெற்றிபெற்றது. அதன் பிறகு நடைபெற்ற மும்பை, பெங்களூர், சென்னை, ராஜஸ்தான் அணிகளுக்கிடையிலான போட்டிகளில் தோல்வியை சந்தித்து புள்ளிபட்டியலில் இறுதி இடத்தில் உள்ளது.
இதேவேளை பஞ்சாப் அணி, தான் விளையாடிய ஐந்து போட்டிகளில் இரண்டில் வெற்றி, மூன்றில் தோல்வி என நான்கு புள்ளிகளுடன் புள்ளிபட்டியலில் ஐந்தாவது இடத்தில் உள்ளது.
இரு அணிகளும் இதுவரை 27முறை மோதியுள்ளன. இதில் 18 முறை கொல்கத்தா அணியும் 9 முறை பஞ்சாப் அணியும் வெற்றிபெற்றுள்ளன.
