பிற நோயால் பாதிக்கப்பட்டோருக்கு சிகிச்சையளிக்க நடவடிக்கை எடுக்க வேண்டும் என அதிமுக ஒருங்கிணைப்பாளர் ஓ.பன்னீர் செல்வம் தெரிவித்துள்ளார்.
இது குறித்து அவர் வெளியிட்டுள்ள அறிக்கையில், ‘கொரோனா அல்லாத பிற நோய்களால் பாதிக்கப்பட்ட ஏழை மக்கள், அரசு மருத்துவமனைகளில் அந்த நோய்களுக்கான சிகிச்சைகளை பெற மிகுந்த சிரமங்களை எதிர்கொள்ள வேண்டியுள்ளது.
இதய நோய், சிறுநீரக பாதிப்பு உள்ளிட்ட பல்வேறு நோய்களால் பாதிக்கப்படுவோர், டயாலிசிஸ் சிகிச்சை தேவைப்படுவோர் உள் நோயாளியாக அனுமதிக்கப்படவில்லை.
அதற்கு இன்னமும் சிறிது காலமாகும் என சுகாதாரத்துறை அதிகாரிகள் தெரிவித்துள்ளதாக செய்திகள் வெளியாகியுள்ளன.
இதனால் கொரோனா தொற்று அல்லாதோரின் உயிரிழப்பு அதிகரிக்க வாய்ப்புள்ளது. எனவே கொரோனா தொற்று அல்லாத பிற நோய்களால் பாதிக்கப்பட்டோருக்கும் அரச மருத்துவமனைகளில் சிகிச்சை அளிக்க வழிவகை செய்ய வேண்டும்’ எனத் தெரிவித்துள்ளார்.
