மேற்கிந்திய தீவுகள் மற்றும் பங்களாதேஷ் அணிகளுக்கிடையிலான மட்டுப்படுத்தப்பட்ட ஓவர் கொண்ட கிரிக்கெட் போட்டிகளில் இருந்து அவுஸ்ரேலியாவின் முக்கிய வீரர்கள் விலகியுள்ளனர்,
டேவிட் வோர்னர், பட் கம்மின்ஸ், க்ளென் மக்ஸ்வெல், ஜெய் ரிச்சர்ட்சன், கேன் ரிச்சர்ட்சன், டானியல் சாம்ஸ் மற்றும் மார்கஸ் ஸ்டோய்னிஸ் ஆகியோர் குறித்த தொடரில் இடம்பெறவில்லை.
இதேவேளை முழங்கை காயம் காரணமாக ஸ்டீவன் ஸ்மித்தும் குறித்த தொடர்களில் பங்குபற்றமாட்டார் என அவுஸ்ரேலிய கிரிக்கெட் சபை அறிவித்துள்ளது.
குறித்த தொடருக்கான 18 பேர் அடங்கிய அணியை அவுஸ்ரேலிய கிரிக்கெட் சபை இன்று (புதன்கிழமை) அறிவித்துள்ளது.
ஆரோன் பின்ச் தலைமையிலான அணியில் அஷ்டன் அகர், வெஸ் அகர், ஜேசன் பெஹ்ரெண்டோர்ஃப், அலெக்ஸ் கரி, டான் கிறிஸ்டியன், ஹசில்வுட், ஹென்ரிக்ஸ், மிட்செல் மார்ஷ், ரிலே மெரிடித், பென் மெக்டெர்மொட், ஜோஷ் பிலிப், மிட்செல் ஸ்டார்க், மிட்செல் ஸ்வெப்சன், அஷ்டன் டர்னர், ஆண்ட்ரூ டை, மத்யு வேட், அடம் சம்பா ஆகியோர் உள்வாங்கப்பட்டுள்ளனர்.
ஜூலை 9-24 வரை மேற்கிந்திய தீவுகளுக்கு எதிராக ஐந்து T20 மற்றும் மூன்று ஒருநாள் போட்டிகளில் விளையாடுவதற்காக அவுஸ்ரேலியா அணி ஜூன் 28 ஆம் திகதி மேற்கிந்திய தீவுகளுக்கு புறப்படவுள்ளது.
ஐந்து டி 20 போட்டிகள் கொண்ட பங்களாதேஷ் அணிக்கு எதிர்நா தொடர் குறித்து இன்னும் உறுதிப்படுத்தப்படவில்லை.
