ஏழாவது ரி-20 உலக்கிண்ண தொடரை, எதிர்வரும் ஒக்டோபர் மாதம் நடத்துவதற்கு தீர்மானிக்கப்பட்டுள்ளதாக தகவல் வெளியாகியுள்ளது.
இதன்படி ரி-20 உலக்கிண்ண தொடர் ஒக்டோபர் 17ஆம் திகதி முதல் நவம்பர் 14ஆம் திகதி வரை நடத்துவதற்கு திட்டமிடப்பட்டுள்ளது.
டுபாய், அபுதாபி, சார்ஜா ஆகிய நகரங்களில் ரி-20 உலக்கிண்ண தொடரின் போட்டிகள் நடைபெறுமென எதிர்பார்க்கப்படுகின்றது. அத்துடன் ஆரம்ப சில போட்டிகள் ஓமனில் நடைபெறுவதற்கான வாய்ப்புகள் இருப்பதாகவும் கூறப்படுகின்றது.
இதுதொடர்பாக அதிகாரபூர்வமாக அறிவிக்கப்படாவிட்டாலும் ஐக்கிய அரபு அமீரகத்தில் தொடரை நடத்துவதற்குரிய முதற்கட்ட பணிகளை சர்வதேச கிரிக்கெட் சபை (ஐ.சி.சி.) தொடங்கிவிட்டது.
முன்னதாக ஏழாவது ரி-20 உலக்கிண்ண தொடர், இந்தியாவில் நடைபெறுவதாக இருந்தது. ஆனால் இந்தியாவில் கொரோனா பரவல் இன்னும் கட்டுக்குள் வராததால் இந்த தொடர் ஐக்கிய அரபு அமீரகத்திற்கு மாற்றப்பட்டுள்ளது.
