பாகிஸ்தான் – பெஷாவரில், பொலிஸாரின் வான் மீது நடத்தப்பட்ட கைக்குண்டுத் தாக்குதல் சம்பவத்தில் பொலிஸார் ஒருவர் கொல்லப்பட்டுள்ளதுடன் இருவர் காயமடைந்துள்ளதாக அந்நாட்டு பொலிஸார் குறிப்பிட்டுள்ளனர்.
இந்நிலையில் குறித்த சம்பவத்துக்கு இதுவரை எவரும் பொறுப்பேற்கவில்லை எனவும் கூறப்படுகின்றது.
மக்கள் சமூக விலகல் விதிகளைப் பின்பற்றுகின்றார்களா என்பதை உறுதி செய்வதற்காக அரசாங்க நிர்வாகி ஒருவர், சந்தைப் பகுதிக்குச் சென்ற வேளையிலேயே இந்த தாக்குதல் சம்பவம் இடம்பெற்றுள்ளதாக பெஷாவர் பொலிஸார் கூறியுள்ளனர்.
இதேவேளை பாகிஸ்தானில் கொரோனா வைரஸ் தொற்றாளர்களின் எண்ணிக்கை கடந்த வாரம் சடுதியாக அதிகரித்து இருந்தது.
இதனால் சுகாதார அதிகாரிகளினால் பரிந்துரைக்கப்பட்ட முகக்கவசம் அணிதல், சமூக இடைவெளியை பின்பற்றுதல் உள்ளிட்ட சட்டத்திட்டங்களை மக்கள் முறையாக கடைப்பிடிக்கின்றார்கள் என்பதை உறுதி செய்யுமாறு பாகிஸ்தானின் உயர் அதிகாரிகள், பொலிஸ் மற்றும் அரசு நிர்வாகிகளுக்கு பணித்திருந்தமை குறிப்பிடத்தக்கது.
