த ஹன்ட்ரட் கிரிக்கெட் தொடரின் 23ஆவது லீக் போட்டியில், பர்மிங்காம் பொஃனிக்ஸ் அணி 93 ஓட்டங்களால் வெற்றிபெற்றுள்ளது.
பர்மிங்காம்- எட்ஜ்பஸ்டன் மைதானத்தில் நேற்று (திங்கட்கிழமை) நடைபெற்ற இப்போட்டியில், பர்மிங்காம் பொஃனிக்ஸ் அணியும் வேல்ஸ் பயர் அணியும் பலப்பரீட்சை நடத்தின.
இப்போட்டியில் நாணய சுழற்சியில் வெற்றிபெற்ற வேல்ஸ் பயர் அணி, முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய பர்மிங்காம் பொஃனிக்ஸ் அணி நிர்ணயிக்கப்பட்ட 100 பந்துகள் நிறைவில் 5 விக்கெட்டுகள் இழப்புக்கு 184 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, வில் ஸ்மீட் ஆட்டமிழக்காது 65 ஓட்டங்களையும் மொயின் அலி 59 ஓட்டங்களையும் பெற்றுக்கொண்டனர்.
வேல்ஸ் பயர் அணியின் பந்துவீச்சில், பெய்ன் 3 விக்கெட்டுகளையும் மில்னெஸ் மற்றும் நீஷம் ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து 185 என்ற வெற்றி இலக்கை நோக்கி பதிலுக்கு களமிறங்கிய வேல்ஸ் பயர் அணி, 74 பந்துகளில் அனைத்து விக்கெட்டுகளையும் இழந்து 91 ஓட்டங்களுக்கு சுருண்டது. இதனால் பர்மிங்காம் பொஃனிக்ஸ் அணி 93 ஓட்டங்களால் வெற்றிபெற்றது.
இதன்போது அணியின் அதிகப்பட்ச ஓட்டங்களாக, இயன் கொக்பேய்ன் 32 ஓட்டங்களையும் பென் டக்கெட் 16 ஓட்டங்களையும் பெற்றுக்கொண்டார்.
இம்ரான் தாஹிர் ஹெட்ரிக் விக்கெட் அடங்களாக 5 விக்கெட்டுகளையும் பென்னி ஹெளவெல் 2 விக்கெட்டுகளையும் ஆடம் மில்ன், பெட்ரிக் பிரவுண் மற்றும் மொயின் அலி ஆகியோர் தலா 1 விக்கெட்டினையும் வீழ்த்தினர்.
இப்போட்டியின் ஆட்டநாயகனாக பர்மிங்காம் பொஃனிக்ஸ் அணியின் சுழற்பந்து வீச்சாளர் இம்ரான் தாஹிர் தெரிவுசெய்யப்பட்டார்.
