நாடாளுமன்றத்தில் முறையான விவாதங்கள் நடைபெறுவதில்லை என உச்சநீதிமன்றத்தின் தலைமை நீதிபதி என்.வி.ரமணா விமர்சித்துள்ளார்.
சுதந்திர தினத்தில் உச்சநீதிமன்றத்தில் கொடியேற்றிய பின் உரையாற்றிய அவர் இவ்வாறு குறிப்பிட்டுள்ளார்.
இதன்போது தொடர்ந்து தெரிவித்த அவர், ‘சுநந்திர போராட்ட வீரர்களில் பலர் சட்டம் படித்தவர்கள். முதன் முதலில் மக்களவை, மாநிலங்களவை இரண்டிலுமே சட்டம் படித்தவர்கள் நிறைந்திருந்தனர்.
முன்னர் நாடாளுமன்ற அவைகளில் ஆக்கபூர்வமாக விவாதங்கள் நடைபெற்றன. சட்டங்கள் குறித்து ஆழமாகவும், விரிவாகவும், விவாதிக்கப்பட்டதோடு அது குறித்து தெளிவு இருந்தது.
ஆனால் தற்போது காணப்படும் நிலை துரதிஷ்டமானது. சட்டங்கள் குறித்து தெளிவு இல்லை. வழக்கறிஞர்களும், அறிவாளிகளும் நாடாளுமன்ற அவைகளில் இல்லாவிட்டால் இவ்வாறுதான் நடக்கும்’ எனத் தெரிவித்துள்ளார்.
