விறுவிறுப்புக்கு பஞ்சமில்லாமல் நடைபெற்று வந்த அமெரிக்க பகிரங்க டென்னிஸ் தொடர், இறுதிக் கட்டத்தை எட்டியுள்ளது.
இதன்படி தற்போது ஆண்களுக்கான ஒற்றையர் பிரிவு அரையிறுதிப் போட்டிகள் நடைபெற்று முடிந்துள்ளன. இப்போட்டிகளின் முடிவுகளை பார்க்கலாம்.
முதலாவது ஆண்களுக்கான ஒற்றையர் பிரிவு அரையிறுதிப் போட்டியில், உலகின் முதல்நிலை வீரரான செர்பியாவின் நோவக் ஜோகோவிச், ஜேர்மனியின் அலெக்ஸாண்டர் ஸ்வெரவ்வும் பலப்பரீட்சை நடத்தினர்.
இப்போட்டியில், நோவக் ஜோகோவிச், 4-6, 6-2, 6-4, 4-6, 6-2 என்ற செட் கணக்குகளில் வெற்றிபெற்று இறுதிப் போட்டிக்கு முன்னேறினார்.
இரண்டாவது ஆண்களுக்கான ஒற்றையர் பிரிவு அரையிறுதிப் போட்டியில், கனடாவின் பெலிக்ஸ் ஆகர் அலியாசிமும் ரஷ்யாவின் டேனில் மெட்வேடவ்வும் மோதினர்.
இப்போட்டியில், 6-4, 7-5, 6-2 என்ற நேர் செட் கணக்குகளில், ரஷ்யாவின் டேனில் மெட்வேடவ் வெற்றிபெற்று இறுதிப் போட்டிக்கு தகுதிபெற்றார்.
