கொரிய தீபகற்பத்தின் கிழக்கு கடற்கரையில் ஒரு குறுகிய தூர ஏவுகணையை ஏவி வட கொரியா, சோதித்துள்ளதாக தென்கொரியா தெரிவித்துள்ளது.
குறித்த ஏவுகணை உள்ளூர் நேரம் செவ்வாய்க்கிழமை காலை 6:40 மணியளவில் ஏவப்பட்டதாக, தென்கொரிய அதிகாரிகளின் அறிக்கை தெரிவிக்கின்றது.
இந்த ஏவுகணை குறித்து தென் கொரிய இராணுவம் எந்த விபரங்களையும் தெரிவிக்கவில்லை, அதே நேரத்தில் ஜப்பானின் பாதுகாப்பு அமைச்சகம் இது ஒரு பாலிஸ்டிக் ஏவுகணை என தெரிவித்துள்ளது.
தென்கொரிய கூட்டுத் தலைமை அதிகாரிகள் ஒரு அறிக்கையில், ‘தென்கொரிய இராணுவம் கூடுதல் ஏவுதலுக்காக தயார் நிலையில் இருக்க வேண்டும் ‘என்று கூறினார்.
தென்கொரிய உளவுத்துறை அதிகாரிகளும் அமெரிக்காவும் நிலைமையை ஆராய்ந்து வருகின்றன என்று அந்த அறிக்கையில் கூறப்பட்டுள்ளது.
ஹவாயில் உள்ள அமெரிக்க இராணுவத்தின் இந்தோ-பசிபிக் கட்டளை, வடகொரிய சோதனை குறித்து கூட்டாளிகள் மற்றும் பங்காளிகளுடன் ஆலோசனை நடத்துவதாகக் கூறியது.
‘இந்த நிகழ்வு அமெரிக்க பணியாளர்களுக்கோ அல்லது எங்கள் கூட்டாளிகளுக்கோ உடனடி அச்சுறுத்தலை ஏற்படுத்தாது என்று நாங்கள் மதிப்பிட்டிருந்தாலும், ஏவுகணை ஏவுதல் (வட கொரியா) சட்டவிரோத ஆயுதத் திட்டத்தின் சீர்குலைக்கும் தாக்கத்தை எடுத்துக்காட்டுகிறது’ என்று அமெரிக்க இராணுவம் தெரிவித்துள்ளது.
ஐக்கிய நாடுகளுக்கான வடகொரியாவின் தூதர், தனது நாட்டின் தற்காப்பு மற்றும் ஆயுதங்களை சோதிக்கும் உரிமையை யாரும் மறுக்க முடியாது என்று கூறியதற்கு முன்னதாக இந்த அறிவிப்பு வந்தது.
சர்வதேச சட்டத்தின் கீழ் பாலிஸ்டிக் ஏவுகணைகள் மற்றும் அணு ஆயுதங்களை பரிசோதிக்க வடகொரியாவுக்கு தடை விதிக்கப்பட்டுள்ளது.
இதற்கு முன்பு இதுபோன்ற சோதனைகளுக்காக, சர்வதேச ஒப்புதல் மற்றும் ஐக்கிய நாடுகள் பாதுகாப்பு சபையின் தடைகளை வடகொரியா சந்தித்திருந்தமை குறிப்பிடத்தக்கது.
