நியூஸிலந்தில் இன்று 27 பேருக்கு டெல்டா வகைக் கொரோனா தொற்று கண்டறியப்பட்டுள்ளது என அதிகாரிகள் கூறியுள்ளனர்.
இந்நிலையில் அக்லாந்து நகரில் கொரோனா தொற்றுக் கட்டுப்பாடுகளை நீக்கக் கோரி ஆயிரத்திற்கும் அதிகமானோர் இன்று ஆர்ப்பாட்டங்களில் ஈடுபட்டனர்.
சுமார் 2 மாதங்களாக அந்நகரில் முடக்கநிலை அமுலில் உள்ள நிலையில் முடக்கநிலை நீடிக்கப்படுமா என்பது பற்றி எதிர்வரும் திங்கட்கிழமை முடிவு எட்டப்படும் என கூறப்படுகிறது.
அக்லாந்தில் அண்மைக்காலமாக நாள்தோறும் சராசரியாக 8 முதல் 45 நோயாளிகள் அடையாளம் காணப்படுகின்ற நிலையில் வெல்லிங்டன், கிரைஸ்ட்சர்ச் ஆகிய பகுதிகளிலும் ஆர்ப்பாட்டங்களை நடத்தத் திட்டமிடப்பட்டுள்ளது.
நியூஸிலந்தில் 46 வீதமானோருக்கு முழுமையாக தடுப்பூசி செலுத்தப்பட்டுள்ளமை காரணமாக கட்டுப்பாடுகள் நீக்கப்படும் என அந்நாட்டுப் பிரதமர் தெரிவித்துள்ளார்.
