இந்தியன் பிரிமியர் லீக் தொடரின் பிளே-ஓப் சுற்றின் முதலாவது ஆட்டம் இன்றைய தினம் நடைபெறவுள்ளது.
இந்தப் போட்டியில் புள்ளிப் பட்டியலில் முதல் 2 இடங்களைப் பிடித்த டெல்லி கப்பிட்டல்ஸ் அணியும் சென்னை சுப்பர் கிங்ஸ் அணியும் மோதவுள்ளன.
இதில் வெற்றி பெறும் அணி நேரடியாக இறுதிப்போட்டிக்குள் நுழையும் என்பதோடு தோல்வி அடையும் அணிக்கு மற்றுமொரு வாய்ப்பு வழங்கப்படும்.
இதேவேளை நாளை சார்ஜாவில் நடக்கும் வெளியேற்றுதல் சுற்றில் புள்ளிப்பட்டியலில் 3 ஆவது மற்றும் 4 ஆவது இடங்களைப் பெற்ற பெங்களூரு மற்றும் கொல்கத்தா அணிகள் மோதுகின்றன.
இதில் தோற்கும் அணி தொடரில் இருந்து வெளியேறும் என்பதோடு வெற்றி பெறும் அணி இறுதிப் போட்டிக்கான முதலாவது தகுதிச் சுற்றில் தோல்வி அடைந்த அணியுடன் மோதும் என்பது குறிப்பிடத்தக்கது.
