இந்தியன் வெல்ஸ் மாஸ்டர்ஸ் டென்னிஸ் தொடரின், ஆண்களுக்கான ஒற்றையர் பிரிவு நான்காவது சுற்றுப் போட்டிகளில், ஸ்டெபீனோஸ் சிட்ஸிபாஸ், அலெக்ஸாண்டர் ஸ்வெரவ் மற்றும் கிரிகோர் டிமிட்ரோவ் ஆகியோர் வெற்றிபெற்று காலிறுதிக்கு முன்னேறியுள்ளனர்.
ஆண்களுக்கான ஒற்றையர் பிரிவு நான்காவது சுற்றுப் போட்டியொன்றில், கிரேக்கத்தின் ஸ்டெபீனோஸ் சிட்ஸிபாஸ், அவுஸ்ரேலியாவின் அலெக்ஸ் டி மினவுரை எதிர்கொண்டார்.
பரபரப்பாக நடைபெற்ற இப்போட்டியில், 6-7, 7-6, 6-2 என்ற செட் கணக்குகளில் ஸ்டெபீனோஸ் சிட்ஸிபாஸ், வெற்றிபெற்று காலிறுதிக்கு முன்னேறினார்.
ஆண்களுக்கான ஒற்றையர் பிரிவு நான்காவது சுற்றுப் போட்டியொன்றில், ஜேர்மனியின் அலெக்ஸாண்டர் ஸ்வெரவ், கேல் மொன்பில்சுடன் மோதினார்.
விறுவிறுப்பாக நடைபெற்ற இப்போட்டியில், அலெக்ஸாண்டர் ஸ்வெரவ், 6-1, 6-3 என்ற நேர் செட் கணக்குகளில் வெற்றிபெற்று காலிறுதிக்கு தகுதிபெற்றார்.
ஆண்களுக்கான ஒற்றையர் பிரிவு நான்காவது சுற்றுப் போட்டியொன்றில், ரஷ்யாவின் டேனில் மெட்வேடவ்வும் பல்கேரியாவின் கிரிகோர் டிமிட்ரோவும் பலப்பரீட்சை நடத்தினர்.
பெரும் எதிர்பார்ப்புக்கு மத்தியில் நடைபெற்ற இப்போட்டியில், 4-6, 6-4, 6-3 என்ற செட் கணக்குகளில் கிரிகோர் டிமிட்ரோவ் வெற்றிபெற்று காலிறுதிக்குள் நுழைந்தார்.
