லங்கா பிரீமியர் லீக் (எல்.பி.எல்) ரி-20 லீக் தொடரின், நடப்பு அத்தியாயத்திற்கான தயார் படுத்தல்கள் ஒவ்வொரு அணிகளாலும் தீவீரமாக முன்னெடுக்கப்பட்டு வருகின்றன.
இதன்படி ஜப்னா கிங்ஸ் அணியின் நிர்வாகம், இம்முறை எந்த வீரர்களை தக்கவைப்பது என்பது தொடர்பிலான முக்கிய அறிவிப்பொன்றை வெளியிட்டுள்ளது.
இதற்மைய அணியின் தலைவரான திசர பெரேரா, வனிந்து ஹசரங்க, அவிஷ்க பெனார்டோ மற்றும் மகேஷ் தீக்ஷன ஆகிய நான்கு வீரர்களை தக்கவைப்பதாக ஜப்னா கிங்ஸ் அணி நிர்வாகம் அறிவித்துள்ளது.
முன்னதாக சர்வதேச வீரர்களான தென்னாபிரிக்காவின் டு பிளெஸிஸ் மற்றும் பாகிஸ்தானின் வஹாப் ரியாஸ் ஆகியோரை ஜப்னா கிங்ஸ் அணி வாங்கியிருந்தமை குறிப்பிடத்தக்கது.
இதேவேளை எதிர்வரும் டிசம்பர் மாதம் லங்கா பிரீமியர் லீக் தொடரின் இரண்டாவது அத்தியாயத்தை தொடங்குவதற்கான பணிகளை இலங்கை கிரிக்கெட் நிர்வாகம் முன்னெடுத்து வருகின்றது.
