உலகக்கிண்ண இருபதுக்கு 20 தொடரின் 25 ஆவது போட்டியில் தென்னாபிரிக்க அணி 04 விக்கெட்டுக்களால் வெற்றி பெற்றுள்ளது.
சார்ஜாவில் இடம்பெற்ற இன்றைய போட்டியில் நாணய சுழற்சியில் வெற்றிபெற்ற தென்னாபிரிக்க அணி அணி முதலில் களத்தடுப்பில் ஈடுபட தீர்மானித்தது.
அதன்படி முதலில் களமிறங்கிய இலங்கை அணி நிர்ணயிக்கப்பட்ட 20 ஓவர்கள் நிறைவில் சகல விக்கெட்டுக்களையும் இழந்து 142 ஓட்டங்களைப் பெற்றுக்கொண்டது.
அதில் அதிகபட்சமாக பத்தும் நிஸங்க 72 ஓட்டங்களைப் பெற்றுக்கொடுக்க பந்துவீச்சில் ஷம்சி 03 விக்கெட்டுக்களை கைப்பற்றினார்.
இதனை அடுத்து 143 என்ற வெற்றி இலக்கை நோக்கித் துடுப்பெடுத்தாடிய தென்னாபிரிக்க அணி 19.5 ஓவர்கள் நிறைவில் 06 விக்கெட்டுக்களை மாத்திரம் இழந்து வெற்றி இலக்கை அடைந்தது.
இப்போட்டியில் தென்னாபிரிக்க அணி சார்பாக அணித்தலைவர் தம்பா பவுமா 42 ஓட்டங்களை பெற்றுக்கொடுக்க பந்துவீச்சில் ஹாட்ரிக் சாதனையுடன் வனிந்து ஹசரங்க மூன்று விக்கெட்டுகளையும் சமீர இரண்டு விக்கெட்டுக்களையும் கைப்பற்றினர்.
