40 வயதுக்கு மேற்பட்ட அனைத்து பெரியவர்களுக்கும் அவர்களின் இரண்டாவது டோஸுக்கு ஆறு மாதங்களுக்குப் பிறகு மூன்றாவது அளவு (பூஸ்டர் அளவு) வழங்கப்பட வேண்டும் என அரசாங்கத்திற்கு தடுப்பூசி மற்றும் நோய்த்தடுப்புக்கான கூட்டுக் குழு அறிவுறுத்தியுள்ளது.
பிரித்தானியாவின் நான்கு பகுதிகளும் தடுப்பூசி மற்றும் நோய்த்தடுப்புக்கான கூட்டுக் குழுவின் ஆலோசனையைப் பின்பற்ற விரும்புகின்றன என சுகாதார செயலாளர் சஜித் ஜாவித் உறுதிப்படுத்தினார்.
பிரித்தானிய சுகாதார பாதுகாப்பு முகவரகத்தின் ஆய்வின் முடிவுகளின்படி, பூஸ்டர் டோஸைப் பெற்ற இரண்டு வாரங்களுக்குப் பிறகு, 50 வயது மற்றும் அதற்கு மேற்பட்ட வயதுடையவர்களுக்கு அறிகுறி தொற்றுக்கு எதிரான பாதுகாப்பு 93.1 சதவீதம் ஆகும் (அஸ்ட்ராஸெனெகா). ஃபைசருக்கு 94 சதவீதமாக இருந்தது.
நோய்த்தடுப்பு குறித்து அமைச்சர்களுக்கு ஆலோசனை வழங்கும் ஒரு சுயாதீன நிபுணர் குழுவான ஜேசிவிஐ, 16 மற்றும் 17 வயதுடைய அனைவருக்கும் ஃபைஸர் தடுப்பூசியின் இரண்டாவது டோஸ் வேண்டும் என்று அறிவுறுத்துவதாகவும் அறிவித்துள்ளது. இந்த பரிந்துரையை அரசாங்கம் ஏற்கும் என்று ஜாவித் கூறினார்.
