எரிபொருட்களின் விலை அதிகரிப்பு காரணமாக மின்சாரக் கட்டணம் அதிகரிக்கப்பட்டால் தண்ணீருக்கான கட்டணத்தை அதிகரிக்க நேரிடும் என நீர் வழங்கல் அமைச்சர் வாசுதேவ நாணயக்கார தெரிவித்துள்ளார்.
இந்த விடயம் தொடர்பாக உரிய பிரிவினருடன் கலந்துரையாடல் நடத்தப்பட்டதாக அவர் மேலும் தெரிவித்துள்ளார்.
எரிபொருள் விலை அதிகரிப்பு நீர் விநியோக அமைப்பிற்கு ஒரு பிரச்சினையல்ல என்றும் எனினும் மின்சாரக் கட்டணத்தை உயர்த்தினால் அது பிரச்சினையாக இருக்கும் என அவர் தெரிவித்துள்ளார்.
எப்படியாவது மின் கட்டணம் உயர்த்தப்பட்டால், செலவினங்களை சமன் செய்ய வழிவகை செய்ய வேண்டும் எனவும் அவர் தெரிவித்துள்ளார்.
இதனால், தண்ணீரை சிக்கனமாக பயன்படுத்தும் நுகர்வோர் தவிர்த்து, நுகர்வோருக்கு தண்ணீர் கட்டணத்தை உயர்த்துவதற்கு தமது அமைச்சு உத்தேசித்துள்ளதாக அமைச்சர் நாணயக்கார தெரிவித்துள்ளார்.
எனினும் குடிநீர் கட்டணத்தை அதிகரிப்பது குறித்து இதுவரை எந்த முடிவும் எடுக்கப்படவில்லை என்றும் அவர் கூறியள்ளார்.
