பெய்ஜிங்கிற்கு அருகிலுள்ள பெரிய நகரான தியான்ஜினில், 14 மில்லியன் குடியிருப்பாளர்களை கொவிட் சோதனைக்கு சீன அரசாங்கம் உட்படுத்தியுள்ளது.
20 குழந்தைகள் மற்றும் பெரியவர்கள் கொண்ட குடியிருப்பாளர்களுக்கு வைரஸ் தொற்று உறுதிப்படுத்தப்பட்டதையடுத்து இந்த நடவடிக்கை எடுக்கப்பட்டுள்ளது. இவர்களில் 2 பேருக்கு புதிய வகை கொரோனாவான ஒமிக்ரோன் பாதிப்பு கண்டறியப்பட்டுள்ளது.
இதையடுத்து, தியான்ஜின் நகரிலுள்ள சுமார் 1 கோடியே 40 இலட்சம் பேருக்கும் கொரோனா பரிசோதனை செய்ய முடிவு செய்து, அதற்கான நடவடிக்கைகள் முடுக்கிவிடப்பட்டுள்ளன.
மொத்தம் உள்ள 16 மாவட்டங்களில் 4 மாவட்டங்களில் முழுமையாக பரிசோதனை நடத்தப்பட்டது. எஞ்சிய 12 மாவட்டங்களில் விரைவில் பரிசோதனை நடத்தி முடிக்கப்படும் என தெரிவிக்கப்பட்டுள்ளது.
பெப்ரவரி 4ஆம் திகதி தொடங்கும் ஒலிம்பிக்கிற்கு முன்னதாக, சீனா தனது கடுமையான உத்தியை முடுக்கிவிட்டுள்ளது.
மற்ற இடங்களில், மில்லியன் கணக்கான மக்கள் சியான் மற்றும் யூசோவில் உள்ள தங்கள் வீடுகளுக்குள் அடைத்து வைக்கப்பட்டுள்ளனர். இந்த இரண்டு நகரங்களில் டெல்டா மாறுபாடு கண்டுபிடிக்கப்பட்டுள்ளன.
யூசோவில் ஏற்பட்ட தொற்று, வடக்கே 70 கிலோமீட்டர் (40 மைல்) தொலைவில் உள்ள ஹெனான் மாகாணத் தலைநகரான ஸெங்சோவ்வையும் பாதிக்கிறது. ஸெங்சோவ் வெகுஜன சோதனைகளை நடத்தி வருகிறது மற்றும் இன்று முதல் பாடசாலைகளை மூடுகிறது.
