மணிப்பூர் மாநிலத்திற்கான முதல் கட்ட தேர்தல் இன்று (திங்கட்கிழமை) காலை 7 மணிக்கு ஆரம்பமாகி நடைபெற்று வருகிறது. 60 தொகுதிகளைக் கொண்ட மணிப்பூர் மாநிலத்துக்கு 2 கட்டங்களாக தேர்தல் நடைபெறுகிறது.
முதல் கட்ட தேர்தல் இன்றைய தினம் நடைபெறுகின்ற நிலையில், இரண்டாம் கட்ட தேர்தல் மார்ச் மாதம் 5 ஆம் திகதி நடைபெறுகிறது.
இதன்படி இன்று இம்பால் கிழக்கு, இம்பால் மேற்கு, பிஷ்ணுபூர், சுராசந்த்பூர் மற்றும் காங்போக்பி உள்ளிட்ட ஐந்து மாவட்டங்களில் உள்ள 38 தொகுதிகளுக்கு தேர்தல் நடைபெறுகிறது. 173 வேட்பாளர்கள் களத்தில் உள்ளனர்.
வாக்குப்பதிவு மையங்களில் பாதுகாப்பு நடவடிக்கைகள் தீவிரப்படுத்தப்பட்டுள்ளமை குறிப்பிடத்தக்கது.
