லண்டனின் புறநகர் பகுதியான Ilford பகுதியில் இடம்பெற்ற ஒரு கத்தி குத்து சம்பவத்தைத் தொடர்ந்து, கொலை விசாரணையை ஆரம்பித்துள்ளதாக பெருநகர பொலிஸ் (Met police) அறிவித்துள்ளது.
ஸ்பிரிங்ஃபீல்ட் டிரைவ், நியூபரிப் பாக் இல்பேர்டில் உள்ள ஒரு குடியிருப்பு முகவரியில் ஒரு நபர் கத்தியால் குத்தப்பட்டதாக இன்று பிற்பகல் (19.03.22) சனிக்கிழமையன்று 01:25 மணி அளவில் பொலிசார் அழைக்கப்பட்டதாக தெரிவிக்கப்படுகிறது.
பொலிஸ் அதிகாரிகள் மற்றும் லண்டன் அம்புலன்ஸ் சேவையாளர்கள் உடனடியாக ஸதலத்திற்கு விரைந்து, உடனடி சிகிச்சைகள் அளித்த போதும், 30 வயதுடைய அந்த நபரை காப்பற் முடியவில்லை எனவும் அவர் சம்பவ இடத்திலேயே உயிரிழந்ததாகவும் தெரிவிக்கப்படுகிறது.
இந்த நிலையில் அவரது உறவினர்களை அடையாளம் கண்டு தகவல் தெரிவிப்பதற்கான விசாரணை ஆரம்பிக்கப்பட்டுள்ளதாக தெரிவிக்கப்படுகிறது. அத்துடன் பிரேத பரிசோதனை உரிய நேரத்தில் நடத்தப்படும் எனவும் தெரிவிக்கப்பட்டுள்ளது.
இதேவேளை இந்தக் கொலை தொடர்பில் இரண்டு ஆண்கள் சந்தேகத்தின் பேரில் கைது செய்யப்பட்டுள்ள நிலையில் அவர்களின் விபரங்கள் வெளியிடப்படவில்லை.
Met’s Specialist Crime Command இன் கொலை துப்பறியும் அதிகாரிகள் விசாரணையை வழிநடத்துகிறார்கள்.
விசாரணையின் இந்த ஆரம்ப கட்டத்தில் தகவல் தெரிந்தவர்கள், 101 என்ற எண்ணில் பொலிஸாருக்கு தகவல் வழங்க முடியும். அல்லது @MetCC என்று ட்வீட் செய்து CAD466/19Mar ஐ மேற்கோள் காட்டி தகவலை பரிமாற முடியும். அத்துடன், 0800 555 111 என்ற எண்ணில் க்ரைம்ஸ்டாப்பர்ஸ் என்ற சுயாதீன தொண்டு நிறுவனத்திற்கு உங்களை அடையாளம் காட்டாமல் அநாமதேயமாக தகவலை வழங்கலாம் எனத் தெரிவிக்கப்பட்டுள்ளது.
கிளர்கன்வெல்லில் கொலை விசாரணையும் ஆரம்பமானது!
கிளர்கன்வெல்லில் ஒரு பெண் மரணமானதை தொடர்ந்து கொலை விசாரணை ஆரம்பிக்கப்பட்டுள்ளதாக பெருநகர காவற்துறையினர் தெரிவித்துள்ளனர்.
இன்று சனிக்கிழமையன்று (19.03.22) 05:10 மணி அளவில், EC1, செபாஸ்டியன் வீதியில் உள்ள குடியிருப்புப் பகுதியில் ஒரு பெண் காயமடைந்ததாக பொலீஸார் அழைக்கப்பட்டனர்.
அதிகாரிகளும் லண்டன் ஆம்புலன்ஸ் சேவையாளர்களும், 19 வயது மதிக்கத்தக்க பெண் – பலத்த காயங்களுடன் இருப்பதைக் கண்டனர். அவசர சிகிச்சைப் பிரிவினர் எவ்வளவோ முயற்சி செய்த போதிலும், அவர் சம்பவ இடத்திலேயே இறந்துவிட்டதாக அறிவிக்கப்பட்டது.
அவரது நெருங்கிய உறவினர்களை அடையாளம் கண்டு தகவல் தெரிவிப்பதற்கான விசாரணை தொடர்வதாகவும், பிரேத பரிசோதனை உரிய நேரத்தில் நடத்தப்படும் எனவும் பொலிசார் தெரிவித்துள்ளனர்.
இதுவரை எவரும் கைதுசெய்யப்படவில்லை பொலீஸ் பாதுகாப்பு சம்பவ இடத்தில் தொடர்கிறது.
Met’s Specialist Crime Command இன் கொலை துப்பறியும் அதிகாரிகள் விசாரணையை வழிநடத்துகிறார்கள்.
பொலிசாருக்கு உதவக்கூடிய தகவல் உள்ளவர்கள், 020 8358 1010 என்ற இலக்கத்தில் பொலிஸ் நிலையத்துடன் தொடர்புகொள்ளுமாறு கேட்டுக் கொள்ளப்படுகிறார்கள். மாற்றாக, 101 ஐ அழைக்கவும் அல்லது @MetCC ஐ ட்வீட் செய்து CAD1252/19March ஐக் குறிப்பிடவும். 0800 555 111 இல் உள்ள க்ரைம்ஸ்டாப்பர்ஸ் என்ற சுயாதீன தொண்டு மூலம் நீங்கள் அநாமதேயமாக தகவலை வழங்கலாம்.
