பிரான்ஸ் பகிரங்க டென்னிஸ் தொடரின் ஆண்களுக்கான ஒற்றையர் பிரிவு, இரண்டாவது சுற்றுப் போட்டியில், ஸ்பெயினின் முன்னணி டென்னிஸ் நட்சத்திரமான ரபேல் நடால் வெற்றிபெற்று மூன்றாவது சுற்றுக்கு முன்னேறியுள்ளார்.
இன்று (வியாழக்கிழமை) நடைபெற்ற இப்போட்டியில், டென்னிஸ் உலகில் ‘கிளே ஒஃப் தி கிங்’ என வர்ணிக்கப்படும் ரபேல் நடாலும், பிரான்ஸின் கோரெண்டின் மௌடெட்டும் பலப்பரீட்சை நடத்தினர்.
விறுவிறுப்பாக நடைபெற்ற இப்போட்டியில், ரபேல் நடால், 6-3, 6-1, 6-4 என்ற நேர் செட் கணக்குகளில் வெற்றிபெற்று மூன்றாவது சுற்றுக்கு முன்னேறினார்.
