மே 9ஆம் திகதி மைனா கோ கம மற்றும் கோட்டா கோ கமவில் இடம்பெற்ற சம்பவங்கள் தொடர்பாக கொழும்பு மாநகர சபை உறுப்பினர் மஹிந்த கஹந்தகமவை எதிர்வரும் 8ஆம் திகதி வரை விளக்கமறியலில் வைக்குமாறு உத்தரவிடப்பட்டுள்ளது.
கொழும்பு கோட்டை நீதவான் திலின கமகே இன்று (வெள்ளிக்கிழமை) இந்த உத்தரவைப் பிறப்பித்துள்ளார்.
கொழும்பு மாநகர சபையின் உறுப்பினர் மஹிந்த கஹந்தகம நேற்று குற்றப் புலனாய்வுப் பிரிவினரிடம் சரணடைந்ததையடுத்து, கைது செய்யப்பட்டிருந்தார்.
அமைதி போராட்டக்காரர்கள் மீது தாக்குதல் நடத்தச் சென்ற கும்பலில் இருந்ததாக அடையாளம் காணப்பட்ட மஹிந்த கஹந்தகமவிற்கு வெளிநாடு செல்ல தடை விதிக்கப்பட்டுள்ளமையும் குறிப்பிடத்தக்கது
