கொழும்பு, களுத்துறை மற்றும் கம்பஹா ஆகிய பகுதிகளுக்கு மாத்திரம் இன்று எரிவாயு சிலிண்டர்கள் விநியோகிக்கப்படவுள்ளதாக லிட்ரோ நிறுவனம் அறிவித்துள்ளது.
குறித்த பகுதிகளில் 12.5 கிலோ, 5 கிலோ மற்றும் 2.3 கிலோ எடை கொண்ட எரிவாயு சிலிண்டர்கள் விநியோகிக்கப்படும் என்றும் இந்த சிலிண்டர்கள் பிற்பகலில் வாடிக்கையாளர்களுக்கு கிடைக்கும் என்றும் அந்த நிறுவனம் தெரிவித்துள்ளது.
அதன்படி, தேர்ந்தெடுக்கப்பட்ட 159 விநியோகஸ்தர்களுக்கு 16,987 எரிவாயு சிலிண்டர்கள் விநியோகிக்கப்படும் என்றும் அறிவிக்கப்பட்டுள்ளது.
அதற்கமைய, 12.5 கிலோ எடையுள்ள 14,977 எரிவாயு சிலிண்டர்கள், 5 கிலோ எடையுள்ள 1005 சிலிண்டர்கள் மற்றும் 2.3 கிலோ எடையுள்ள 1005 சிலிண்டர்கள் தேர்ந்தெடுக்கப்பட்ட விநியோகஸ்தர்களுக்கு விநியோகிக்கப்படும் என்று அந்த நிறுவனம் மேலும் கூறியுள்ளது.
அதனடிப்படையில் விநியோகஸ்தர்களின் விபரங்களை www.litrogas.com இன் ஊடாக பார்வையிடுமாறு லிட்ரோ நிறுவனம் தெரிவித்துள்ளது.
