இங்கிலாந்து மற்றும் நியூஸிலாந்து அணிகளுக்கிடையிலான இரண்டாவது டெஸ்ட் போட்டியின், முதல்நாள் ஆட்டம் நிறைவுக்கு வந்துள்ளது.
இதன்படி முதல் இன்னிங்ஸிற்காக துடுப்பெடுத்தாடிவரும் நியூஸிலாந்து அணி, நேற்றைய முதல்நாள் ஆட்டநேர முடிவில் 4 விக்கெட்டுகள் இழப்புக்கு 318 ஓட்டங்களை பெற்றது.
இதன்போது ஆட்டநேர முடிவில், டேரில் மிட்செல் 81 ஓட்டங்களுடனும் டொம் பிளெண்டல் 67 ஓட்டங்களுடனும் ஆட்டமிழக்காது களத்தில் இருந்தனர்.
நொட்டிங்ஹாம் மைதானத்தில் நேற்று (வெள்ளிக்pழமை) ஆரம்பமான இப்போட்டியில், நாணய சுழற்சியில் வெற்றிபெற்ற இங்கிலாந்து அணி முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய நியூஸிலாந்து அணி, நேற்றைய முதல்நாள் ஆட்டநேர முடிவில் 4 விக்கெட்டுகள் இழப்புக்கு 318 ஓட்டங்களை பெற்றது.
இதில் டொம் லதம் 26 ஓட்டங்களுடனும் வில் யங் 47 ஓட்டங்களுடனும் டெவோன் கோன்வே 46 ஓட்டங்களுடனும் ஹென்ரி நிக்கோல்ஸ் 30 ஓட்டங்களுடனும் ஆட்டமிழந்தனர்.
இங்கிலாந்து கிரிக்கெட் அணியின் பந்துவீச்சில், ஜேம்ஸ் ஆண்டர்சன் மற்றும் பென் ஸ்டோக்ஸ் ஆகியோர் தலா 2 விக்கெட்டுகளையும் வீழ்த்தினர்.
இன்னமும் 6 விக்கெட்டுகள் வசமுள்ள நிலையில், போட்டியின் இரண்டாம்நாள் ஆட்டத்தை நியூஸிலாந்து அணி இன்று தொடரவுள்ளது.
