அனைத்து நாடாளுமன்ற உறுப்பினர்களுக்குமான செயலமர்வை இலங்கை மத்திய வங்கியின் ஆளுநர் கலாநிதி நந்தலால் வீரசிங்க ஏற்பாடு செய்துள்ளார்.
நாட்டின் தற்போதைய பொருளாதார நிலைமை மற்றும் முன்னோக்கி செல்லும் வழி என்ற தொனிப்பொருளின் கீழ் இந்த செயலமர்வு இடம்பெறவுள்ளது.
சபாநாயகர் மஹிந்த யாப்பா அபேவர்தனவின் பணிப்புரைக்கமைய ஏற்பாடு செய்யப்பட்டுள்ள இந்த செயலமர்வில் கலந்துகொள்ளுமாறு அனைத்து உறுப்பினர்களுக்கும் அழைப்பு விடுக்கப்பட்டுள்ளது.
அதன்படி குறித்த செயலமர்வு எதிர்வரும் 30ஆம் திகதி பிற்பகல் 2 மணி முதல் 4 மணிவரை நாடாளுமன்ற வளாகத்தில் நடைபெற உள்ளது.
நிதி விவகாரங்கள் தொடர்பான நாடாளுமன்ற விவாதங்களில் உறுப்பினர்கள் தீவிரமாக பங்குபற்றுவதற்கு பயனுள்ள தகவல்கள் அங்கு முன்வைக்கப்படும் என தெரிவிக்கப்படுகின்றது.
