லதம்- வில்லியம்சன் அபாரம்: முதல் ஒருநாள் போட்டியில் இந்தியாவை வீழ்த்தியது நியூஸிலாந்து!

இந்தியக் கிரிக்கெட் அணிக்கெதிரான முதலாவது ஒருநாள் போட்டியில், நியூஸிலாந்து அணி, 17 பந்துகள் மீதமிருக்க 7 விக்கெட்டுகள் வித்தியாசத்தில் வெற்றிபெற்றது.

ஒக்லாந்து மைதானத்தில் இன்று (வெள்ளிக்கிழமை) நடைபெற்ற இப்போட்டியில், நாணய சுழற்சியில் வெற்றிபெற்ற நியூஸிலாந்து அணி, முதலில் களத்தடுப்பை தீர்மானித்தது.

இதன்படி முதலில் துடுப்பெடுத்தாடிய இந்தியக் கிரிக்கெட் அணி, நிர்ணயிக்கப்பட்ட 50 ஓவர்கள் நிறைவில் 7 விக்கெட்டுகள் இழப்புக்கு 306 ஓட்டங்களை பெற்றுக்கொண்டது.

இதில் அணியின் அதிகப்பட்ச ஓட்டங்களாக, ஸ்ரேயஸ் ஐயர் 80 ஓட்டங்களையும் தவான் 72 ஓட்டங்களையும் சுப்மான் கில் 50 ஓட்டங்களையும் பெற்றுக்கொண்டனர்.

நியூஸிலாந்துக் கிரிக்கெட் அணியின் பந்துவீச்சில், டிம் சவுத்தீ மற்றும் லொக்கி பெர்குசன் ஆகியோர் தலா 3 விக்கெட்டுகளையும் மில்ன் 1 விக்கெட்டினையும் வீழ்த்தினர்.

இதனைத்தொடர்ந்து 307 என்ற வெற்றி இலக்கை நோக்கி பதிலுக்கு களமிறங்கிய நியூஸிலாந்து அணி, 47.1 ஓவர்கள் நிறைவில் 3 விக்கெட்டுகள் இழப்புக்கு வெற்றி இலக்கை கடந்தது. இதனால், நியூஸிலாந்து அணி 7 விக்கெட்டுகள் வித்தியாசத்தில் வெற்றிபெற்றது.

இந்த வெற்றியின் மூலம் மூன்று போட்டிகள் கொண்ட ஒருநாள் தொடரில், 1-0 என்ற கணக்கில் நியூஸிலாந்து அணி முன்னிலைப் பெற்றுள்ளது.

இதன்போது அணியின் அதிகப்பட் ஓட்டங்களாக, டொம் லதம் ஆட்டமிழக்காது 145 ஓட்டங்களையும் கேன் வில்லியம்சன் 95 ஓட்டங்களையும் பெற்றுக்கொண்டனர்.

இந்தியக் கிரிக்கெட் அணியின் பந்துவீச்சில், உம்ரான் மாலிக் 2 விக்கெட்டுகளையும் சர்துல் தாகூர் 1 விக்கெட்டினையும் வீழ்த்தினர்.
இருவரும் இணைந்து இணைப்பாட்டமாக 221 ஓட்டங்களை பெற்றுக்கொண்டனர். இதுவே ஒருநாள் போட்டியில் இந்திய அணிக்கெதிரான நியூஸிலாந்து அணி பெற்றுக்கொண்ட சிறந்த இணைப்பாட்டமாகும்.

இப்போட்டியின் ஆட்டநாயகனாக, 104 பந்துகளில் 5 சிக்ஸர்கள் 19 பவுண்ரிகள் அடங்களாக ஆட்டமிழக்காது 145 ஓட்டங்களை பெற்றுக்கொண்ட டொம் லதம் தெரிவுசெய்யப்பட்டார்.

இரு அணிகளுக்கிடையிலான இரண்டாவது ஒருநாள் போட்டி, நாளை மறுதினம் ஹமில்டனில் நடைபெறவுள்ளது.