லங்கா பிரிமியர் லீக் கிரிக்கெட் போட்டித் தொடரின் 12ஆவது போட்டியில் Colombo Stars அணி 2 விக்கெட்டுக்களால் வெற்றிப் பெற்றுள்ளது.
போட்டியில் முதலில் துடுப்பெடுத்தாடிய Galle Gladiators அணி நிர்ணயிக்கப்பட்ட 20 ஓவர்கள் நிறைவில் 5 விக்கெட்டுக்களை இழந்து 193 ஓட்டங்களைப் பெற்றுக் கொண்டது.
அணி சார்பில் குசல் மென்டிஸ் 72 ஓட்டங்களை அதிகபட்சமாக பெற்றுக் கொண்டார்.
அசாத் ஷபிக் 58 ஓட்டங்களையும், தாருக்க தாபரே 33 ஓட்டங்களையும் பெற்றுக் கொண்டனர்.
பந்து வீச்சில் நவீன்-உல்-ஹக் இரண்டு விக்கெட்டுக்களை கைப்பற்றினார்.
இதனைத் தொடர்ந்து 194 என்ற வெற்றி இலக்கை நோக்கி பதிலுக்கு துடுப்பெடுத்தாடிய Colombo Stars 20 ஓவர்கள் நிறைவில் 8 விக்கெட்டுக்களை இழந்து வெற்றி இலக்கை அடைந்தது.
அணி சார்பில் தினேஸ் சந்திமால் அதிகபட்சமாக 63 ஓட்டங்களைப் பெற்றுக் கொடுத்ததுடன், சரித் அசலங்க 48 ஓட்டங்களைப் பெற்றுக் கொண்டார்.
இறுதி நேரத்தில் அதிரடியாக விளையாடிய ரவி பெபாரா ஆட்டமிழக்காது 31 ஓட்டங்களைப் பெற்றுக் கொண்டார்.
பந்து வீச்சில் நுவன் துஷார மற்றும் அன்வர் அலி ஆகியோர் தலா மூன்று விக்கெட்டுக்களை கைப்பற்றியிருந்தனர்.
