2023-24ஆம் ஆண்டுக்கான நாடாளுமன்ற மத்திய வரவுசெலவு கூட்டத்தொடர், ஜனவரி 31ஆம் திகதி முதல் ஏப்ரல் 6ஆம் திகதி வரை நடைபெறும் என அறிவிக்கப்பட்டுள்ளது.
மொத்தம் 27 அமர்வுகளுடன் 66 நாட்களுக்கு நடைபெறும் வரவுசெலவு கூட்டத்தொடரின் முதல் அமர்வு ஜனவரி 31ஆம் திகதி முதல் பெப்ரவரி 13ஆம் திகதி வரையிலும் இரண்டாம் அமர்வு மார்ச் 13ஆம் திகதி முதல் ஏப்ரல் 6ஆம் திகதி வரையிலும் நடைபெறவுள்ளது. பெப்ரவரி 14ஆம் திகதி முதல் மார்ச் 12ஆம் திகதி வரை விடுமுறை அறிவிக்கப்பட்டுள்ளது.
பெப்ரவரி 1ஆம் திகதி நாடாளுமன்றத்தில் மத்திய வரவுசெலவு தாக்கல் செய்யப்படும் என்று எதிர்பார்க்கப்படுகிறது.
வரவுசெலவு திட்ட அமர்வின் போது, 2023 பெப்ரவரி 14ஆம் திகதி முதல் மார்ச் 12ஆம் திகதி வரை விடுமுறையாக இருக்கும், இந்த நேரத்தில் துறை ரீதியான நாடாளுமன்ற நிலைக்குழுக்கள் மானியங்களுக்கான கோரிக்கைகளை ஆய்வு செய்து, அமைச்சகங்கள்- துறைகள் தொடர்பான அறிக்கைகளை வெளியிடும் என நாடாளுமன்ற விவகாரங்கள் துறை அமைச்சர் பிரகலாத் ஜோஷி குறிப்பிட்டுள்ளார்.
