ஆண்டின் முதல் கிராண்ட்ஸ்லாம் தொடரான அவுஸ்ரேலிய பகிரங்க டென்னிஸ் தொடரின், பெண்களுக்கான ஒற்றையர் பிரிவு இறுதிப் போட்டிக்கு எலெனா ரைபகினா மற்றும் அரினா சபலெங்கா ஆகியோர் முன்னேறியுள்ளனர்.
முதல் அரையிறுதிப் போட்டியில், கஸகஸ்தான் வீராங்கனை எலெனா ரைபகினா, பெலாரஸ் வீராங்கனை விக்டோரியா அசரென்காவை எதிர்கொண்டார்.
இப்போட்டியில், இப்போட்டியில் 7-6, 6-3 என்ற நேர் செட்கணக்கில் ரைபகினா வெற்றி பெற்று, கடந்த மூன்று ஆண்டுகளில் இரண்டாவது முறையாக கிராண்ட்ஸ்லாம் போட்டியின் இறுதிப் போட்டிக்கு முன்னேறினார்.
மற்றொரு அரையிறுததிப்; போட்டியில், பெலாரஸ் வீராங்கனை அரினா சபலெங்கா, 7-6, 6-2 என்ற நேர் செட்கணக்கில் போலந்தின் மட்கா லினட்டை வீழ்த்தி, இறுதிப்போட்டிக்கு தகுதி பெற்றார்.
சம்பியன் பட்டத்துக்கான இறுதிப்போட்டி நாளை (சனிக்கிழமை) நடைபெறவுள்ளது.
