அமெரிக்கா, பிரித்தானியா மற்றும் அவுஸ்ரேலியாவின் தலைவர்கள், அடுத்த தலைமுறை அணுசக்தியால் இயங்கும் நீர்மூழ்கிக் கப்பல்களின் கடற்படையை உருவாக்குவதற்கான புதிய விபரங்களை வெளியிட்டுள்ளனர்.
கலிபோர்னியாவின் சான் டியாகோவில் உள்ள மற்ற தலைவர்களுடன் பேசிய அமெரிக்க ஜனாதிபதி ஜோ பைடன், இந்த அறிவிப்பை வெளியிட்டார்.
இதனடிப்படையில், பிரித்தானியாவின் ரோல்ஸ் ராய்ஸ் தயாரித்த உலைகள் உட்பட, அதிநவீன தொழில்நுட்பத்தைப் பயன்படுத்தி ஒரு புதிய கடற்படையை உருவாக்க குறித்த மூன்று நாடுகளும் ஒன்றிணைந்து செயல்படும்.
Aukus ஒப்பந்தத்தின் கீழ், அவுஸ்ரேலியா முதலில் அமெரிக்காவிலிருந்து குறைந்தது மூன்று அணுசக்தியால் இயங்கும் நீர்மூழ்கிக் கப்பல்களைப் பெறும். மேற்கு அவுஸ்ரேலியாவில் எதிர்வரும் 2027ஆம் ஆண்டுக்குள் அமெரிக்கா சில நீர்மூழ்கிக் கப்பல்களை நிலைநிறுத்தும். இவை பிரித்தானிய வடிவமைப்புகள் மற்றும் அமெரிக்க தொழில்நுட்பத்துடன் கூடிய புதிய வகை நீர்மூழ்கிக் கப்பல்களாக இருக்கும்.
2030ஆம் ஆண்டுகளில் அவுஸ்ரேலியா ஐந்து அமெரிக்க வர்ஜீனியா தர அணுசக்தியால் இயங்கும் நீர்மூழ்கிக் கப்பல்களை வாங்கும்.
2021ஆம் ஆண்டு செப்டம்பரில் முதன்முதலில் அறிவிக்கப்பட்ட இந்தோ-பசிபிக் பாதுகாப்பு உடன்படிக்கை, சீனாவின் வளர்ந்து வரும் சக்தி மற்றும் பிராந்தியத்தில் உறுதியான நிலைப்பாட்டை எதிர்கொள்ளும் முயற்சியாகக் கருதப்படுகிறது மற்றும் இது சீனாவிடம் இருந்து கண்டனத்தைப் பெற்றுள்ளது.
