இலங்கை மற்றும் நியூஸிலாந்து அணிகளுக்கிடையிலான, இரண்டாவது டெஸ்ட் போட்டியின் முதல்நாள் ஆட்டம் நிறைவுக்கு வந்துள்ளது.
இதன்படி தற்போது முதல் இன்னிங்ஸிற்காக துடுப்பெடுத்தாடிவரும் நியூஸிலாந்து அணி, இன்றைய ஆட்டநேர முடிவில் 2 விக்கெட்டுகள் இழப்புக்கு 155 ஓட்டங்களை பெற்றது.
ஆட்டநேர முடிவில், ஹென்ரி நிக்கோல்ஸ் 18 ஓட்டங்களுடனும் கேன் வில்லியம்சன் 26 ஓட்டங்களுடனும் களத்தில் இருந்தனர்.
வெலிங்டனில் இன்று (வெள்ளிக்கிழமை) ஆரம்பமான இப்போட்டியில், நாணய சுழற்சியில் வெற்றிபெற்ற இலங்கை அணி, முதலில் களத்தடுப்பை தீர்மானித்தது.
இதன்படி முதல் இன்னிங்ஸிற்காக துடுப்பெடுத்தாடிவரும் நியூஸிலாந்து அணி, இன்றைய ஆட்டநேர முடிவில் 2 விக்கெட்டுகள் இழப்புக்கு 155 ஓட்டங்களை பெற்றது.
ஆரம்ப துடுப்பாட்ட வீரர்களான டொம் லதம் 21 ஓட்டங்களுடனும் டெவோன் கோன்வே 72 ஓட்டங்களுடனும் ஆட்டமிழந்தனர்.
இலங்கை கிரிக்கெட் அணியின் பந்துவீச்சில், கசுன் ராஜித மற்றும் தனஞ்சய டி சில்வா ஆகியோர் தலா 1 விக்கெட்டினை வீழ்த்தினர்.
இன்னமும் 8 விக்கெட்டுகள் வசமுள்ள நிலையில், போட்டியின் இரண்டாம் நாள் ஆட்டத்தை நியூஸிலாந்து அணி நாளை தொடரவுள்ளது.
