இந்தியன் பிரீமியர் லீக் கிரிக்கெட் தொடரின் 18ஆவது போட்டியில் Gujarat Titans அணி 6 விக்கெட் வித்தியாசத்தில் வெற்றிபெற்றது.
இந்தியாவின் மொஹாலியில் இடம்பெற்ற குறித்த போட்டியில் Gujarat Titans மற்றும் Punjab Kings ஆகிய அணிகள் பலப்பரீட்சை நடத்தின.
போட்டியின் நாணய சுழற்சியில் வெற்றிபெற்ற Gujarat Titans அணி முதலில் களத்தடுப்பை தெரிவுசெய்தது.
இதன்படி முதலில் துடுப்பெடுத்தாடிய Punjab Kings அணி நிர்ணயிக்கப்பட்ட 20 ஓவர்கள் நிறைவில் 8 விக்கெட் இழப்பிற்கு 153 ஓட்டங்களை பெற்றுக்கொண்டது.
துடுப்பாட்டத்தில் Matthew Short அதிகபட்சமாக 36 ஓட்டங்களை பெற்றுக்கொடுத்தார்.
154 எனும் வெற்றியிலக்கை நோக்கி பதிலுக்கு துடுப்பெடுத்தாடிய Gujarat Titans அணி 19.5 ஓவர்கள் நிறைவில் 4 விக்கெட் இழப்பிற்கு 154 ஓட்டங்களை பெற்று வெற்றியிலக்கை கடந்தது.
Gujarat Titans அணி சார்பில் Shubman Gill 67 ஓட்டங்களை அதிகபட்சமாக பெற்றுக் கொடுத்த அதேநேரம் போட்டியின் நாயகனாக Mohit Sharma தெரிவுசெய்யப்பட்டமை குறிப்பிடத்தக்கது.
