நடிகர் விஜய் விரைவில் அரசியல் கட்சியொன்றை ஆரம்பிப்பார் என எதிர்பார்க்கப்படுகிறது.
குறிப்பாக தன்னுடைய 70-வது திரைப்படத்தை முடித்துக் கொண்டு அவர் அரசியல் கட்சியை தொடங்க வாய்ப்பு இருப்பதாகவும் கூறப்படுகிறது.
இந்நிலையில் பல்வேறு அரசியல் நிகழ்வுகளை அவருடைய விஜய் மக்கள் இயக்கம் செய்து செய்து வருகிறது. அதில் முதல் கட்டமாக பல்வேறு தலைவர்களின் சிலைக்கு மரியாதை செய்து வருகின்றனர்.
இந்நிலையில் 12 மற்றும் 10 ஆம் வகுப்பு தேர்வில் தேர்ச்சி பெற்று அதிக மதிப்பெண் பெற்ற 1,500 மாணவர்களை அவர் சந்தித்து ஊக்கத்தொகை வழங்கவுள்ளார்.
இவ்விழாவானது நாளை மறுநாள் (சனிக்கிழமை) காலை 9 மணிக்கு ஆரம்பிக்கப்படவுள்ளதாகவும் ,மாணவர்கள் மற்றும் அவர்களுடைய பெற்றோருக்கு காலை மற்றும் மதிய உணவு வழங்கப்படவுள்ளதாகவும் தெரிவிக்கப்பட்டுள்ளது.
இவ்விழாவுக்காக விஜய் ரசிகர்கள் மற்றும் விஜய் மக்கள் இயக்கத்தினர் தீவிரமாகப் பணிபுரிந்து வருகின்றனர்.
இந்நிலையில் 10, +2 மாணவர்களுக்கு ஊக்கத் தொகை வழங்கும் விழாவிற்கு பனர் மற்றும் கட் அவுட் வைக்க கூடாது என விஜய் உத்தரவிட்டுள்ளார்.
