2023 உலகக்கிண்ண தகுதிகாண் கிரிக்கெட் தொடரின் ஸ்கொட்லாந்திற்கு எதிரான போட்டியில் இலங்கை அணி 82 ஓட்டங்களால் வெற்றி பெற்றுள்ளது.
இதுதொடரின் 19 ஆவது போட்டி நேற்று புலவாயோவில் இடம்பெற்றது இதில் நாணய சுழற்சியில் வெற்றி பெற்ற ஸ்கொட்லாந்து அணி, இலங்கை அணியை முதலில் துடுப்பெடுத்தாட அழைத்தது.
அதன்படி முதலில் களமிறங்கிய இலங்கை அணி, 49.3 ஓவர்கள் நிறைவில் அனைத்து விக்கெட்களையும் இழந்து 245 ஓட்டங்களைப் பெற்றது.
இதன்போது அணி சார்பாக அதிகபட்ச ஓட்டங்களாக பத்தும் நிசங்க 75 ஓட்டங்களையும் சரித் அசலங்க 63 ஓட்டங்களையும் அதிகபட்சமாக பெற்றுக்கொண்டனர். பந்துவீச்சில் ஸ்கொட்லாந்து அணி சார்பாக கிறிஸ் க்ரீவ்ஸ் 4 விக்கெட்களையும் மார்க் வட் 3 விக்கெட்களையும் கைப்பற்றினர்.
இதனை தொடர்ந்து 246 என்ற வெற்றி இலக்கினை நோக்கி துடுப்பெடுத்தாடிய ஸ்கொட்லாந்து அணியின் முன்வரிசை வீரர்கள் பெரிதும் பிரகாசிக்காததால் அவ்வணி 29 ஓவர்கள் நிறைவில் அனைத்து விக்கெட்டுகளையும் இழந்து 163 ஓட்டங்களை மாத்திரமே பெற்றுக்கொண்டது.
போட்டியின் சிறப்பாட்டக்காரரான மகேஷ் தீக்ஷன 3 விக்கெட்களையும் வனிந்து ஹசரங்க 2 விக்கெட்களையும் கைப்பற்றினர்.
