உலகப் புகழ் பெற்ற பொப் இசைப் பாடகி மடோனா உடல் நலக்குறைவு காரணமாக வைத்தியசாலையில் தீவிர சிகிச்சைப் பிரிவில் அனுமதிக்கப்பட்டுள்ளார்.
64 வயதான மடோனாவுக்கு கடந்த சில நாட்களுக்கு முன்னர் நோய்த்தொற்று ஏற்பட்டதையடுத்து அவர் கடந்த சனிக்கிழமை மருத்துவமனையில் அனுமதிக்கப்பட்டார்.
இதனையடுத்து அவருக்கு சுவாச சீராக்கத்திற்காக இண்டுபேஷன் (intubation) சிகிச்சை வழங்கப்பட்டது. இந்நிலையில் அவர் தற்போது தீவிர சிகிச்சைப் பிரிவில் சிகிச்சை பெற்றுவருகின்றார்.
கனடாவின் வேன்கூவர் நகரில், “செலிப்ரேஷன் டூர்” என்ற பெயரில் எதிர்வரும் ஜூலை மாதம் 15 ஆம் திகதி முதல் 2024 ஆம் ஆண்டு ஜனவரி மாதம் 30 ஆம் திகதி வரை மெடோனா ஒர் உலக சுற்றுப்பயணம் மேற்கொள்ளவிருந்த நிலையில் அப் பயணம் தற்போது இரத்து செய்யப்பட்டுள்ளமை குறிப்பிடத்தக்கது.
