(நூருல் ஹுதா உமர் )
சமுர்த்தி அபிவிருத்தி திணைக்களத்தின் 2023 ஆம் ஆண்டுக்கான செளபாக்கியா வீடமைப்பு திட்டத்தின் கீழ் பிரதேச செயலக சமூக அபிவிருத்தி பிரிவின் ஏற்பாட்டில் சாய்ந்தமருது பிரதேச செயலகத்திற்குட்பட்ட 6 வீடுகளுக்கான அடிக்கல் நாட்டும் நிகழ்வானது நேற்றுமுன்தினம் (05) நடைபெற்றது.
இத்திட்டத்தின் கீழ் 7,50,000 ரூபாய் பெறுமதியான 3 வீடுகளும் 2,50,000 ரூபாய் பெறுமதியான 3 வீடுகளும் அமைக்கப்படுமெனத் தெரிவிக்கப்பட்டுள்ளது.
இந்நிகழ்வானது சாய்ந்தமருது பிரதேச செயலக சமுர்த்தி சமூக அபிவிருத்தி உதவியாளர் யூ.எல்.ஜஃபரின் நெறிப்படுத்தலிலும், சமுர்த்தி தலைமைப் பீட சிரேஷ்ட முகாமையாளர் ஏ.சீ.ஏ. நஜீம் அவர்களின் தலைமையிலும் நடைபெற்றது.
மேலும் இந்நிகழ்வில் பிரதேச செயலாளர் எம்.எம்.ஆசிக், சமுர்த்தி முகாமைத்துவ பணிப்பாளர் றியாத் ஏ மஜீத் , சமுர்த்தி வங்கி முகாமையாளர் ஐ.எல்.ஹிதாயா, கருத்திட்ட முகாமையாளர் எஸ்.றிபாயா, அபிவிருத்தி உத்தியோகத்தர் என்.எம்.பவாஸ், பிரிவுக்கnன கிராம உத்தியோகத்தர்கள், சமுர்த்தி உத்தியோகத்தர்கள் , பொருளாதார அபிவிருத்தி உத்தியோகத்தர்கள், கிராம மட்ட சமுர்த்தி அமைப்புக்களின் தலைவர்கள் உள்ளிட்ட பலரும் கலந்து கொண்டனர்.
