டொமினிகன் குடியரசின் தலைநகருக்கு அருகே இடம்பெற்ற ஒரு சக்திவாய்ந்த வெடிவிபத்தில் இறந்தவர்களின் எண்ணிக்கை 11 ஆக அதிகரித்துள்ளது.
மருத்துவமனைகளுக்கு வெளியே மக்கள் கூடியுள்ள அதேநேரம் காணாமல் போனவர்களைத் தேடி, எரியும் இடிபாடுகளுக்குள் தீயணைப்பு வீரர்கள் தேடுதல் நடவடிக்கையை முன்னெடுத்துள்ளனர்.
ஜனாதிபதி லூயிஸ் அபினாடர், சான்டோ டொமிங்கோவின் மேற்கே அமைந்துள்ள சான் கிறிஸ்டோபலுக்குச் சென்று பாதிக்கப்பட்டவர்களைச் சந்தித்தார்.
மேலும் 10 பேரைக் காணவில்லை என்றும், இடிந்து விழுந்த கட்டிடங்கள் மற்றும் எரிந்த வாகனங்களுக்கு மத்தியில் தீயை அணைக்கும் முயற்சியில் அதிகாரிகள் ஈடுபட்டு வருவதாகவும் தெரிவிக்கப்பட்டுள்ளது.
