சந்திரயான் 3 விண்கலத்தின் லேண்டரை நாளை நிலவில் தரையிறக்க முடிவு செய்திருப்பதாக இஸ்ரோ விஞ்ஞானிகள் தெரிவித்துள்ளனர்.
நிலவின் தென்துருவப் பகுதியை ஆய்வு செய்வதற்காக கடந்த ஜூலை மாதம் 14ம் திகதி பூமியிலிருந்து சந்திரயான் -3 விண்கலம் ஏவப்பட்டது.
பூமியின் சுற்றுவட்டப்பாதையை கடந்து, தற்போது நிலவின் சுற்றுவட்ட பாதையில் உள்ள சந்திரயான் -3 விண்கலத்தில் இருந்து விக்ரம் லேண்டர் கடந்த 17 திகதி வெற்றிகரமாகப் பிரிக்கப்பட்டது.
தற்போது நிலவுக்கு வெகு அருகில் சுற்றி வரும் சந்திரயான் விண்கலத்தின் லேண்டரை நாளை நிலவில் தரையிறக்கத் திட்டமிட்டுள்ளதாக இஸ்ரோ விஞ்ஞானிகள் தெரிவித்துள்ளனர்.
அதன்படி நாளை மாலை இலங்கை நேரப்படி 5.20 மணி முதல் 6.04 மணியளவில் விக்ரம் லேண்டர் தரையிறக்கப்படலாம் என தெரிவிக்கப்பட்டுள்ளது.
