அமெரிக்க ஓபன் டென்னிஸ் தொடரின் பெண்களுக்கான ஒற்றையர் பிரிவுக்கான அரையிறுதி போட்டியில் கரோலினா முச்சோவாவை தோற்கடித்து கோகோ காஃப் இறுதிப் போட்டிக்கு முன்னேறியுள்ளார்.
கிராண்ட்ஸ்லாம் போட்டிகளில் ஒன்றான அமெரிக்க ஓபன் டென்னிஸ் தொடர் தற்போது இறுதி கட்டத்தை எட்டியுள்ள நிலையில் இன்று பெண்களுக்கான ஒற்றையர் பிரிவு அரையிறுதி போட்டிகள் இடம்பெறுகின்றன.
காலநிலை மாற்ற எதிர்ப்பாளர்களின் போராட்டம் காரணமாக கரோலினா முச்சோவா மற்றும் கோகோ காஃப் ஆகியோருக்கு இடையிலான போட்டி 49 நிமிடங்களுக்கு தாமதமானது
எவ்வாறாயினும் பொலிஸாரின் தலையீட்டை அடுத்து போட்டி ஆரம்பமாகிய நிலையில் 6-4 7-5 என்ற செட் கணக்கில் வெற்றிபெற்ற காஃப், ஞாயிற்றுக்கிழமை நடைபெறவுள்ள இறுதி போட்டிக்கு தகுதி பெற்றுள்ளார்.
