அமெரிக்க ஓபன் டென்னிஸ் தொடரின் பெண்களுக்கான ஒற்றையர் பிரிவுக்கான அரையிறுதி போட்டியில் வெற்றிபெற்று அரினா சபலெங்கா இறுதிப் போட்டிக்கு முன்னேறியுள்ளார்.
கிராண்ட்ஸ்லாம் போட்டிகளில் ஒன்றான அமெரிக்க ஓபன் டென்னிஸ் தொடரின் போட்டிகள் காலநிலை மாற்ற எதிர்ப்பாளர்களின் போராட்டம் காரணமாக தாமதமாக ஆரம்பமாகியது.
பரபரப்பாக இடம்பெற்ற இப்போட்டியில் அமெரிக்க டென்னிஸ் வீராங்கனையான மேடிசன் கீஸ் முதல் செட்டை 6 – 0 என கைப்பற்றி பெலரஷ்ய வீராங்கனை அரினா சபலெங்காவிற்கு அதிர்ச்சி கொடுத்தார்.
இதனை தொடர்ந்து இடம்பெற்ற இரண்டாவது செட் டைபிரேக் வரை நீடிக்க அதனை 7- 6 என கைப்பற்றி அரினா சபலெங்கா செட்டை சமன் செய்தார்.
இதனால் வெற்றியை தீர்மானிக்கும் இறுதி செட்டும் டைபிரேக் வரை நீடிக்க அதனை 7- 6 என கைப்பற்றி அரினா சபலெங்கா வெற்றிபெற்றார்.
இந்த வெற்றியின் மூலம் எதிர்வரும் ஞாயிற்றுக்கிழமை இடம்பெறவுள்ள இறுதி போட்டியில் கோகோ காஃப்புடன் அரினா சபலெங்கா பலப்பரீட்சை நடத்தவுள்ளார்.
