ஜுஹாய் (Zhuhai) சம்பியன்ஷிப் காலிறுதியில் பிரித்தானிய நம்பர் ஒன் வீரர் கமரூன் நோரியை நேர் செட்களில் வீழ்த்தி ரஷ்யாவின் அஸ்லான் கரட்சேவ் வெற்றிபெற்றுள்ளார்.
இந்த தொடரின் ரவுண்ட் 16 இல் அன்டி முர்ரேவை வீழ்த்திய 30 வயதான அஸ்லான் கரட்சேவ், உலக தரவரிசையில் 17-வது இடத்தில் உள்ள நோரியை 7-6, 7-6 என்ற செட் கணக்கில் வீழ்த்தினார்.
இந்த வெற்றியை அடுத்து இன்று நடைபெறவுள்ள அரையிறுதி போட்டியில் ஜப்பானின் யோஷிஹிட்டோ நிஷியோகாவை அஸ்லான் கரட்சேவ் எதிர்கொள்ளவுள்ளார்.
இதேவேளை இரண்டாவது அரையிறுதியில் ரஷ்யாவின் முதல் நிலை வீரரான கரன் கச்சனோவ், அமெரிக்காவின் செபாஸ்டியன் கோர்டாவை எதிர்கொள்ளவுள்ளார்.
