இலங்கையின் பூப்பந்தாட்ட வீரர் நிலூக்க கருணாரத்ன சர்வதேச போட்டிகளிலிருந்து ஓய்வு பெறவுள்ளதாக உத்தியோகபூர்வமாக அறிவித்துள்ளார்.
தேசிய மட்டத்தில் 17 முறை சாம்பியனான நிலூக்க கருணாரத்ன, மூன்று முறை ஒலிம்பிக் போட்டிகளில் இலங்கை சார்பில் பங்குபற்றும் வாய்ப்பை பெற்றிருந்தார்.
தமது ஓய்வை அறிவிக்கும் வரையில் கடந்த 22 வருடங்களில் அவர் இலங்கைக்காக சர்வதேச ரீதியில் 34 வெற்றிகளை பெற்றுக் கொடுத்துள்ளமை குறிப்பிடத்தக்கது.
